黄金歲月 14
2010/10/22 00:48:16
網誌分類:
藝術
記得當年晉成街有人開字花!
相信很多年紀𣎴太大的朋友, 都不知字花為何物!
以前香港70年代開「字花」, 是黑市的一種賭博方式,類似現今的六合彩。
莊家會預先開出一個列表,內有三十六個人名或三十六種物品。每次開賭時,由師爺抽出其中一個,把寫上名字的紙或竹牌,覆蓋起來,用沙煲吊起在字花廠當眼的地方,讓賭徒下注。過一段時間以後,打破沙煲然後派彩。派彩一般為一賠三十左右。
由於沙煲中所藏的是祕密,如果穿了便人人皆知,所以祕密被識穿咗, 又叫做「穿煲」。
通常當年每日在報紙有一圖, 供大家猜謎底, 東方日報早年就有此類圖象!所以又名字花報!
有時D街坊又可以用自己發夢去推算古人!夢見和尚又買セ!夢見師姑又買物!而字花師爺就例有貼士, 叫做飛電!通常有料到!
有次飛電: 蒜頭豆豉蒸攀桂(?), 唔開正契弟!
攀桂(?)黄sir都唔知係セ, 但買慣字花d人就個個估中!
古人中又分正身同替身, 賭字花d人有所謂: 買正唔買替!輸死一世!
黄SIR家中有工人蓮姐, 就最鍾意賭字花!所以黄sir曾耳聞目見也!
通常家中每日買餸錢, 譬如五皮!蓮姐就拈去搏吓先!輸咗就煮黄牙白炒臘肉!因為當年黄SIR家騎樓, 長年都有黄牙白同臘肉掛起來風乾!
好多時蓮姐都輸清夜光!
紅綠日報是字花報,東方後來居上.
字花被外圍狗馬趕絕.
將D買餸錢輸哂呀?