黄金歲月 35

放紙鳶 現在D人要在郊外才可以玩, 但六ナ年代, 黄sir在住處的天台己可玩！黄SIR位二樓, 上天台要經三樓, 再經一石屎樓梯才到達天台！

通常裝天線及放紙鳶都可求三樓的上海佬包租公放人, 上天台玩！

放紙鳶當然就只係送隻紙鳶上天空, 飛吓飛吓而已ｏ紙鳶貼上長長的尾, 另加两條短的在两旁, ナ分好看！好似叫做馬拉啩（？）！

但放紙鳶最好玩, 卻是去界斷人地放上天空的鳶！有空中戰爭feel！

所以放紙鳶第一步要做就是製造玻璃線！

玻璃線的做法是先收集壞了的燈泡, 小心整碎, 磨成玻璃粉, 玻璃粉要好小心處理, 大風一吹入眼！一擦即盲！

玻璃粉加上魚膠,  “立” 上線上, 做成玻璃線, 乘風衝上雲霄！

找到目的物, 就向獵物埋牙, 一嘢黐住, 立即鬆線, 有咁快時就放咁快！一界斷對方, 眼見對方紙鳶墜落！真係十分有成功感！成班小朋友拍晒手, 樂此不疲！

當年在天台玩, 就可消磨大半天！

直至聽倒,樓下二樓有人大叫, 亞祥！番屋企食飯！才乖乖走回家！

一嘢遲左, 唔止冇餸, 有時連飯都冇得食！咁就要紥炮矣！