11月17日
2010/11/17 22:53:09 網誌分類: 未分類
股市驚人下跌,直落式下瀉,相信好多人都只有呆睇,乜都做唔到,但時間一耐左相信大家都會習慣,大戶係股市愈黎愈惡,隨住資訊爆炸,佢地唔會再好似以前咁慢慢黎,轉為快上快落,咁樣反而賺得仲多錢,不過風險當然最高,但大戶又點會驚呢樣野。
講番股市,內地通脹超標,賣左好多日,近日再翻炒歐洲危機,對於呢類消息主導大市既新聞,只係短暫性既調整,可以放心,但若果有一日發現本地地產股,或一些重要性指標既股票業績出現問題,但股市不斷上升,呢類先係最危險既。不過一般都好難覺。
沒有貨既朋友可以小注作入市,其實現水平,各大股既調整只係早前升得急 回番落去,但整體黎講係健康的。 和黃 長實 新地 國泰等傳統藍籌分別仍在高位又發盈喜等,係呢類市況要調番轉頭係股災亦冇條件去支持。
總括而言,11月初既標升,令很多朋友高追了,現在都係適當調整,手持優質股,心理上可以處之泰然既。
回應 (0)
我要發表