黄金歲月 70
2010/12/05 14:09:14 網誌分類: 藝術
唔知大家記唔記得, 梁蘇記係做乜嘅品牌呢？
紅A 又做乜嘅品牌呢？駱駝嘜？虎標？
有冇聽過？……..何濟公, 止痛唔駛五分鐘…….
有冇聽過？……..保濟丸, 有病唔駛怕！舟車暈浪！疴嘔肚痛！保濟丸！保濟丸！有病唔駛怕！
呢D就係當年的名牌！梁蘇記遮, 有口皆碑！紅A 做塑膠家庭用品！駱駝漆, 乜漆！物漆！廣告似足講粗口！
虎標萬金油, 白花油, 差不多每人皆隨身帶備！
每年工業會, 就見倒晒所有呢D品牌了！還記得鱷鱼裇嗎？妙麗皮鞋？…….
你又可唔可以隨口噏出三五個香港七十年代品牌呀？
雙妹嘜……..賣乜？
雙妹嘜賣花露水和爽身粉。
如果俾蚊咬，可以用花露水用嚟止痕。
爽身粉是生熱痱用的。
後來還推出雙妹嘜雪花羔添。