黄金歲月 73

不覺不覺懷舊黄金歲月已寫了七十三篇, 此類文章順手拈來, 都唔駛點揾題材, 想到乜就寫乜, 正適合網上以文會友也！最緊要係日日見, 保持联絡也！

還記得電視也有個節目叫”香港七三”嗎？其中一角, 劉一凡先生, 就係經常講住: 想當年……..佢做軍医助手的威水史！一講就全家人作鳥獸散！以示聽到厭也！十分搞笑！

劇中賜官就係佢個仔, 直情就係做番自已, 一個大學生, 知識分子！近在萬千星輝賀台慶見賜官（劉天賜）, 留晒鬚, 垂垂老矣！開口埋口都四十年前事！

因為香港七三此劇種收得, 其後又有香港ハ四, 最近剛剛去咗個斌仔, 在此劇就係市儈佬陳積個細佬！茂叔間快餐店！李家鼎武指做伙計！李我的睇相佬！蘇小姐的BOOKING！還記得嗎？仲有順叔, 順嫂呢！順嫂係波叔個女泥！知冇？

回首前塵, 係咪好唏噓呢？

晨早起來, 無病無痛, 無憂無慮, 能網上會友吹水一番！能不感恩乎？