黄金歲月 74

有香港73, 好似又有香港74, 呢两年黄SIR剛在中大做助教！比較清閒, 得閒就睇吓歡樂今宵！只見同學仔許冠文都有份演出！

佢两兄弟搞咗個雙星報喜, 直情紅透半邊天！許冠文是同黄SIR同屆在中大联合書院畢業的同學ｏ當年联合的劇社好出名, 因有寫清宮殘夢的姚克老師做顧問也！有次仲請倒鍾景輝做每年一次的系際戲劇比賽ｏ有年黃sir提出一個劇本給理科系會演, 叫做 ”三根火柴”, 居然得到最佳改編劇本獎！

歡樂今宵, 波叔, 綿叔, 李添勝的掃街添, 七零一服務公司的羅蘭姐, 仲有盧海同賈思樂的蝦仔爹哋！非常好笑！名符其實的歡樂今宵！

不要忘記仲有肥姐, 三毫子小姐森森, 斑斑两姊妹, 筷子姊妹花, 扮嘢秋！仲有十分桃花的何守信, 歐嘉慧, 汪亞姐！

真係人材濟濟！

回首前塵, 又是否夢一場呢？