黄金歲月 79

近排港紙儲蓄利率, 低無可低, 除非選擇存外幣, 但外幣又要承受兌換風險, 一個唔該, 港元隨美元升值, 得不償失！

記得ハ十年代初, 黄sir有小小積蓄, 居然想到食息！在一間美資銀行, 佢推出一隻叫關島美元存欵, 居然俾到成廿幾厘息！真係珍珠都冇咁真！三個月續期一次兼派息！真係快活過神仙！真個財息兼收！

直至有一日, 去銀行續期, 只見職員向隔離位問！關島美元存欵點辨理？果位姐姐笑住講: 關島美元存欵, 梗係關人啦！

原來佢地叫呢隻做………關人金（內部講笑！）

咁啱果日關島又放假！辨唔倒手續！關人？咁得人驚！

結果當黃sir攞番d錢, 有從老千手上取回之感！（咁才避過後來雷曼一役！因覺银行班友靠唔住也！）

當年唔信美金！一美金換番五皮港紙！後來玩得两玩, 玩到联系匯率, 一美金仲換七個八添！

廿幾厘息 加 賺埋匯水！唉！

你話係咪一売眼淚吖！