七竅真心

除左用真心對待愛人

仲用真心同家人講野

用真心,完成以小朋友為本既實習

呢d事情, 開始順暢

用心做功課,卻唔係真心

當理論同實踐有矛盾時

功課係理論野,我寫理論

實習係實踐野,對小朋友先用真心

難得同學之間都好好傾

同兩個女仔friend左,都係真心既

實習完做功課

用心又真心地研究改善方法時

樓下個人又走左上黎話我地6點時好嘈

話我地搬傢俬

當然呢個唔係事實

對呢d人, 爸爸真心同佢講: 我地真係冇搬傢俬

但個人唔信

個麻煩人10幾年前開始成日走上黎話我地架la

有時真係有嘈

但呢幾年個個大晒

仲有咩可以嘈呢

吵架 佢又冇話我地喎

搬傢俬大概係另一間屋既人做既

唔係我地做既

個人話佢退左休想睡得好

咁佢要顧及我地呢d未退休既人,拼搏期會好早去實習

門聲我已絕對地留意

好細力咁關門

今日佢話我地搬傢俬

講到「唔介意你地人多」,「但都要顧下其他人」

咁佢顧既係佢自己

佢有冇顧過我地無辜受屈

我地唔係屈原呀!!!

佢自己一個人住悶就拎多人住既屋黎出氣

佢咁有錢咁早退休不如返大陸買平房

又或者佢d睡覺用品有問題

又或者佢間屋不利佢

佢要搵我呀爸占卜下

唔應該搵我呀爸鬧!!!

真係想用九陰白骨爪整死樓下個人

(講笑咋,幻想時幻想,現實歸現實)

真係好難有方法整走樓下個人

從佢多年既行為可見佢唔想搬走

我爸爸又係唔想搬

所以呢d事會持續到佢地七老八十

其實噪音來源有時唔係我地

佢都推嚮我地身上

多唔多人絕對唔影響佢既再走上黎話人既行為

只能接受社會上真係有咁既人

而我下次遇到同類事情

會叫樓下個人報警查下係咪我地搬傢俬