或然率的疑惑 9

俗語話, 人有三衰六旺, 咁即係根據或然率, 衰是十居其三, 旺是十居其六, 唔衰唔旺十居其一！（呢d係傳統智慧, 冇得拗！亦無需要拗！要拗亦唔好揾黄sir,因為根本上黃sir自視天下無敵, 冇得爭論！）

人生順逆無常, 當閣下逆的時候, 應想到…….順是逆的两倍, 咁即係閣下捱一年逆境, 將來有可能就有兩年順境了！

咁如果閣下前半生捱到死死吓！咁就恭喜你咯！咁你下半生一定會苦盡甘來！

有人包拗頸, 話自已成世都黑！點算？（通常黄sir都費事回應！因為呢類人教而不善！慳番啖氣暖肚可也！）但黄sir 今日心情好, 又不妨講多两句ｏ

佛家講前世, 今生, 來生ｏ

如果閣下今世黑足一世！來世又來世必定順到離奇！可能發過李嘉誠！貴過胡錦濤！咁樣做人, 諗吓都開心啦！

保持日日開開心心！咁做人又點黑呢？

不過閣下依然堅持話自己黑！黄sir都無謂再勸阻閣下了！