讓生活飛 13

近年生活在香港, 真係想唔識飛都唔得！有時真係要飛到冇雷公咁遠至得！（冇雷公咁遠, 究竟有幾遠, 黄sir都唔地除也！）

一個ハ號仔哨牙哥, 未結婚就生三子, 仲有一胎係對孖添！對於一d被八號仔搞到鷄毛鴨血的朋友！真係恭喜晒佢咯！佢個腦用佐泥搞自已d細路, 就再冇時間搞佢d股東, 咁就功德無量矣！

而另一個會飛人物, 就係四叔（黄sir就係四哥, 江湖地位低佢好多！）ｏ呢位亞叔最鍾意率性發表股市偉論, 一陣又睇二萬五點, 一陣又睇萬一點！（唔怕一萬！至怕萬一！）點到d股民頭岳岳！人人稱佢做股神！但亞叔話千祈咪鬼叫！睇泥佢只係衰多口, 又冇為名, 又冇𤔡利噃！

最近見亞叔捧住三胞胎, 笑到有牙冇眼！真係歎為觀止！

呢家人新聞多多, 一陣又話買電視台, 一陣又乜又物, 做有錢佬真好！咁死高調, 又點怪得d 後生仔唔仇富吖！

人地d 後生仔想買個細單位, 娶個老婆仔, 生個豬豬仔都遙遙無期！你就d樓多到天價至肯賣！老婆唔駛有, 就生科技三胞胎！（有錢駛得鬼推磨！）錢多到連電視台都買得起！又點唔叫人唔眼紅呢？

總之怪事年年有, 今年就特別多, 仇富一番, 又到免年！