讓生活飛 14

要讓生活飛, 真的毫不容易, 因為通常一瞓醒覺, 俗務就會煩人！

例如今日失驚無神個上網線路 down 左, 好嘞 揾倒個電話打去揾人修理, 先要過三關:  

選擇語言（廣東語按一, 普通話按……）

再按入帳戶號碼（大佬？邊有人成日記住貴公司帳戶嫁？）唔記得唔緊要香港身份証號碼（好一間為香港人服務的公司！冇香港身份証有排頭痕！所以有就要記到實！）

再進就選擇服務, 有成七項咁多！要選啱, 玩到再冇計時, 才出個真人版, 揾服務員按零號！（大佬, 乜先前個七項都冇呢個真人版嫁！唔識按, 死得啦！）黄sir咁死精靈都差d想放棄啦！

呢d 按一…按二…..按三…….., 分明就同耆英過唔去, 據說医管局用左呢個系統, 打走左好多耆英！煩到班人, 有病都冇得睇！親身預約又怕煩！初初好似唔准！防有人事關係喎！搞到d耆英, 好多諗住死佐佢數！可見此系統偉大之處！

搞掂咗揾人修理, 服務員又好關照, 免費upgrade 去100M , （不過再簽两年死約！）跟手又贈多两年免費防毒軟件！再多口問句, 两年後又如何？（每月加收48皮！）黄SIR立即洒手擰頭！唔要！（呢間公司, 两年後佢會提你CUT至奇！）

咁就煩咗一個上午！

唉！無力飛咯！