讓生活飛 21
2011/01/29 00:32:45
網誌分類:
生活
近期最引起大家談論的話題, 就是賭王四房人爭產大新聞!茶餘飯後, 八卦雜誌, 都唔憂冇嘢講!
原因是銀碼大, 卡士大, 靚女多, 劇情峯迴路轉, 一日話唔告, 一日又去告!又唔知係咪賭王可以自已話事?定話在幕後有人操縱?洋律師介入更添神秘感, 三房一早炒咗佢, 賭王又話唔需要, 唔通呢條友得閒得滯?冇人委託佢肯無啦啦告人? 黄sir打死都唔信矣!
黄sir唱粵曲三策論乾坤, 當年李靖去見完楊素, 紅拂女夜奔, 話楊素…….屍居餘氣!不足畏也!相信呢句嘢用泥形容賭王而家情况, 一定相去不遠!
何謂 屍居餘氣? 屍即是已死之人, 尚有餘氣, 即未死得晒, 仲有氣息咁解!而今眼見賭王坐在安樂輪椅, 被人推來推去, 舞來舞去, 在鏡頭前讀猫紙, 穿晒崩!真係攞泥搞!正一扯線公仔咁, 自已噏完乜, 轉吓眼又反晒口!算點先?
點對得住港澳同胞, 有份夾錢俾佢做賭王之人!
唔怪得俗語有講, 寧欺白鬚公!睇泥呢次賭王都輸硬了!自已告老婆, 子女, 朋友, 嬴左都輸啦!
邊個嬴硬?洋律師就一定嬴硬嘞!
一打官司, 益晒律師!死未?
回應
(0)
我要發表