讓生活飛 22

今日ハ號仔哨牙哥做咗两單嘢, 令黄sir好開心嘅, 特此表揚吓佢！

首先收倒now 電視一封通知信, 話: 黄sir 被無線收費台推銷員連騙帶呃的簽了十八個月, 月收128的套餐, 終於3月到期！

點解黄sir話推銷員連騙帶呃呢？

原因是該推銷員有日失驚無神來電, 原以免費升呢去高清, 又順口雌黄話有五十六個頻道！又吹話黃sir被抽中台慶月大獎, 有什麽職員才有的優惠咭送！

結果是一張冇人敢去的physical 咭, 同一個只得志雲飯局, 同一D舊劇集可觀的頻道！近排完全冇乜嘢睇！

難怪先前有位攞公援的亞伯, 被騙後無計可施, 吊頸自殺去咗！

之後無線已加入覆核制度, 以防推銷員連騙帶呃, 但黄sir又衰心軟, 在推銷員連騙帶呃下, 又話揭穿咗會令此年青人前途盡毀（回想起來, 應該佢毀好過黄sir毁！）終於捱足十八個月128, 二千零皮損失, 好在黄sir尚受得起！（一嘢就係馬塲或股票揾番啦！）

今次打電話去1000取消, 初頭見位小姐叫黄sir等成十幾分鐘（離晒譜！只播音樂, 冇晒下文！考耐性？測試决心？）

黄sir以為哨牙仔又玩嘢, 取消就借意唔聽電話！（曾經有線電視試過, 想cut機就設好多麻煩手續！甚至試過叫一個死咗嘅人親身打電話取消至得！堅嫁！）

誰知今次居然等倒位小姐返泥, 話同黄sir取消左！仲三月三日生效！

網上諸君做証！希望黄sir到時成功取消倒啦！

第二件哨牙哥做得好既嘢, 就係免費同黄sir升呢去100 M 寬頻（當然是原價再縛廿四個月啦！）而家上網同WIFI都快佐！好開心！

唉！總之用得順順利利！唔駛成日DOWN , 叫人修理又有人聽電話, 貴D都算啦！