讓生活飛 23

以前澳門賭權只得何鴻燊娛樂公司的時代, 過大海搏殺, 有人戲稱佢做同何鴻燊拗手瓜！相信十居其九九同何鴻燊拗手瓜, 都失敗告終！原因賭塲抽重水, 仲有d荷官又搶錢（真係搶嫁！試過有人嬴咗唔肯打賞！個荷官咒人快d輸咗走都得者也！）所以邊會有得嬴吖！

所以連賭塲都勸人, 賭博無必勝, 小注可怡情！得閒耍吓樂, 保持娛樂性！（大意如此！）

所以澳搏前身就叫做娛樂公司！是一娛樂塲所！（佢話啦！）

後生時的賭王, 在媒體出現時, 也極具娛樂性！又識講笑！又多金句！黄sir真係服得佢好緊要！

佢又真係多仔公一名, 四房人加加埋埋有十七子女！真係香港生產力促進局應由佢主持才是！

而家見佢变成咁樣, 黄sir真係心都實埋！

正如跑馬地墓塲門口對联話齋:

今夕吾軀歸故土

他朝君體也相同

唉！仲唔化？