歡樂年年 2

已往過年好鬼多嘢做, 要由內至外買過晒D新嘢, 又一定要飛髮, 通常年尾飛髮佬可以收雙工, 因為人人要整靚個頭攞意頭ｏ

過年之前又一定要先買對鞋, 因為正月唔准買鞋, 鞋鞋声, 唔吉利喎ｏ

辨年貨, 糖果瓜子, 髮菜𧐢士, 鮑魚海味, 都一早入定貨ｏ 因為過年大都在家团年及開年, 一家人食餐飯ｏ小朋友逗吓利市, 賭吓錢, 非常好玩ｏ

過年又有好多嘢食, D角仔十分鬆化, 酥皮, 內有花生沙糖, 真係好食過而家D好多多聲ｏ煎堆通常好大個, 硬到死, 冇人鍾意食, 留番泥煲甜粥, 一樣冇人食ｏ

黄sir話, 最好味反而係团年飯開年飯食剩D餸尾, 全部擺在一起, 整個一品煲, 真係好好味, 通常夾倒舊鷄, 或者舊蝦碌, 真係開心到飛起！

年糕, 蘿白榚不在話下, 仲有隻竽頭糕都正, 當年食物最充足的日子就係過年時了ｏ

有得食, 有錢駛, 有錢賭, 有得玩, 夫復何求？

歡樂年年！