歡樂年年 3

以往過年, 多數恭祝人添丁發財！ 添丁是天大的喜事, 發財反而成了跟班ｏ近年多數只恭喜人發財而已！

黄sir兩個姪近年每人添了二丁, 亦是由吾家父數落第四代矣ｏ （父 到 子 到 孫, 再到就（塞））（塞）亦即曾孫了ｏ超伯是曾祖父, 黄sir係四叔公！tt 係六姑婆！（嘻嘻！成班耆英！等日網上整台戲娛樂吓大家至得！）

計一計, 原來五代同堂係一件好難得之事, 而家黄家四代同堂, 超伯已是九十五歲,  d 細路得幾歲, 起碼等多十幾廿年先有第五代, 真係好襟等也！相信在過往社會, 代代早婚, 十五六就生子, 才容易達到五代同堂！

農曆年, 以往是孩子們最渴望的日子, 一來有利是逗, 二來有很多賀年食品ｏ

至於利是錢, 更是小朋友一年最富有的日子ｏ 近年d新派父母, 居然識同d仔女投資股票！年年增值！實在好橋！

以前黃sir家中過年, 兄弟姐妹親友就大開賭禁, 小朋友也可以賭番两手, 有十點半（啤牌）,魚蝦蟹, 大小（同澳門賭枱一樣）ｏ

我家小朋友, 風險教育由此開始, 輸光也不准喊, 等佢地知道賭, 未必實嬴也！黄sir更鼓勵女兒賭六合彩（多數唔中！）, 而家女兒去到賭塲, 連賭吃角子老虎都小心翼翼！因怕輸也！

有個說法, 家山有福,  d 細佬一賭就輸！燒傷過！以後不會沉迷賭搏也！

賭其實冇乜唔好, 最唔好就係輸錢！賭能必勝！乃天下第一營生也！明未？（睇見何鴻燊咁死發！就知賭唔過啦！）

新年大家拜吓年, 見吓面！

真係歡樂年年也！