詢問服務
2007/04/27 17:05:17
網誌分類:
生活
最近添了一部手提電腦, 於是要將它上網o由於坐枱電腦已上網, 便將網絡資料一一對照, 實行照辦煮碗, 應該毫無難度也o衰衰地, 小弟都曾做過工程師啦!
誰知抄足所有資料, 結果還是不能成功!百思不得其解!真真激親!唯有死死氣打電話給網絡供應商有線寬頻o結果是…….
廣東話按一字oXXXY按二字oZZZY按三字………
輸入身份証号碼, 頭六位數字……. 按 # 字
按了一大輪, 終於到達, 想同服務主任联絡按0字o好啦!好啦!有得問矣!
誰知又係, 而家我地線路好繁忙, 請你耐心等候……..每十秒重覆一次o又等了十多二十分鐘, 今次連錄音人聲都冇埋!(大約是十一時四十分開始!)
當堂為之氣結, 充滿了怒火想揾人鬧o
又再撥電話去, 準備同佢大吵一頓o
誰知又聽倒錄音帶話, 我地今日辦公時間己結束, 明早九時至晚上十二時請再來電!多謝!
唉, 冇收!當堂冇晒火!唯有瞓醒至算!
早上醒來, 心血來潮, 把有線寬頻関咗再開番!居然搞掂咗!
就係咁簡單!唔怪得間公司都費事揾人教你啦!(我懷疑有冇人咁鬼夠運, 可以打得通呢D電話o我試過打俾東亞銀行, 結果俾佢搞到我怕鬼晒!)真吹漲!
回應
(1)
我要發表
2007/04/27 20:35:24
回覆
我至憎DCS服務係電話錄音,無火都等到着火,上星期先同九X電訊投訴,死我唔少細胞!