詢問服務

最近添了一部手提電腦, 於是要將它上網ｏ由於坐枱電腦已上網, 便將網絡資料一一對照, 實行照辦煮碗, 應該毫無難度也ｏ衰衰地, 小弟都曾做過工程師啦！

誰知抄足所有資料, 結果還是不能成功！百思不得其解！真真激親！唯有死死氣打電話給網絡供應商有線寬頻ｏ結果是…….

廣東話按一字ｏXXXY按二字ｏZZZY按三字………

輸入身份証号碼, 頭六位數字……. 按 # 字

按了一大輪, 終於到達, 想同服務主任联絡按0字ｏ好啦！好啦！有得問矣！

誰知又係, 而家我地線路好繁忙, 請你耐心等候……..每十秒重覆一次ｏ又等了十多二十分鐘, 今次連錄音人聲都冇埋！（大約是十一時四十分開始！）

當堂為之氣結, 充滿了怒火想揾人鬧ｏ

又再撥電話去, 準備同佢大吵一頓ｏ

誰知又聽倒錄音帶話, 我地今日辦公時間己結束, 明早九時至晚上十二時請再來電！多謝！

唉, 冇收！當堂冇晒火！唯有瞓醒至算！

早上醒來, 心血來潮, 把有線寬頻関咗再開番！居然搞掂咗！