教育的歪理

近年大學自言以商業形式運作, 以客為本ｏ學生即係客仔, 客仔大晒ｏD老師淪為亞四, 所有嘢要做到客仔滿意, 高層滿意, 才可以保住職位ｏ

結果是各出奇謀, 客仔唔鍾意D嘢, 例如八點半上堂, 要勤力讀書, 要努力學習要做功課, 要尊敬老師, 全部欠奉或盡量少做ｏ

代之而起, 就教育娛樂化, 老師小丑化, 成個社會, 人人唔鬼化ｏ（我曾經見過電視影倒大陸D學校, 有標語寫明, 不得摳打老師, 將來特區只要加小小附注, 及其家人和朋友就合用了ｏ

現今是非黑白, 仁義道德, 混亂非常, 普通人根本無法知誰是誰非, 連局中人都不知做緊乜事ｏ

李國章已是教育界之資深人仕, 都𣎴知所謂, 等而下之, 都唔知搞乜, 而家審緊的教院干預事件, 一眼已知是有人不忿被炒, 刻意搞事, 平日同人講電話都錄音, 此君之機心可知, 人地叫佢炒人, 佢照做就話人唔啱（干預學術自由？）, 如果佢被續約, D被炒者就可能永遠唔知？可憐D傳媒日日陪佢地癲！

教育界如任何界別一樣, 大把衰人, D友根本冇乜理想, 冇乜道德, 都係打份工之馬（仲係唔駛做好都得, 果隻ｏ）, 老細要乜就做乜吧了ｏ