高學歷反成搵工絆腳石

《「一上網勁到拋離世界，一開口就被世界拋離」。浸會大學社會工作系講師邵家臻表示， 80後 Y世代是「網上原住民」，與現實社會脫節，一旦離開電腦便不懂溝通。他指出現時很多大學畢業生是所謂「高分低能族」：「佢哋 IQ好高，但溝通技巧差，自我感覺良好；或者對工作、對生活無興趣、無熱誠，令很多大公司人事部均頭痛叫苦。」

邵家臻表示，高分低能族無社交，無自理能力，很多著名科學家、學者都欠缺溝通能力，但過往學歷說明一切，「依家學位貶值，博士生都要投考警員及海關關員」。他建議大學生拉闊自已圈子，多些與人接觸、溝通，自行調節適應。
中原人力資源顧問有限公司董事總經理周綺萍說，無工作經驗的碩士生在職場上並不吃香，反而會成為搵工絆腳石。
周解釋，由於數年前經濟不景，不易搵工，很多大學生畢業後立即讀碩士，故近年出現很多碩士生「新鮮人」。「以往讀 Master嘅人多數在職場上打拼多年略有成就，想增值才重返校園，但現時碩士生很多都沒有工作經驗」。
周說，「僱主會怕碩士生唔安於現狀，對公司要求高，唔係『 Good Match』。我公司都唔會請碩士生」。她提醒大學生，畢業後宜先工作數年再讀碩士。

活生生個案

「你冇熱情、唔投入、冇性格，過程中連一眼都冇望過我……」資深人事顧問 CORE SEARCH的董事總經理張慧敏，與阿鵬進行模擬面試後直指其表現差勁，坦言：「係老闆都唔會請你！」

張慧敏說，阿鵬面試過程全無眼神接觸，其次是問非所答：「你話自己強項係邏輯分析，又話好勤力，但你冇做嘢兩年，成日喺商場 hea，我睇唔到你有幾勤力。」經常將「中大碩士畢業」掛在嘴邊更是第三個致命傷，「畢業證書只係入場券，我要請嘅係你個人。你碩士畢業，但要求五、六千蚊人工，令人覺得好奇怪！」最後是溝通技巧差劣，「你好似部錄音機，重複內容空洞」。
張續提點阿鵬要先放下碩士生的包袱：「你見過 200幾份工，經歷咁多次失敗，一定會有啲得着，自己有冇檢討？」至於阿鵬的「見工 Look」，張認為尚可接受，「但係頭髮可唔可以整吓，最低限度要乾淨企理……件白恤衫好似灰色喎」。當她把錦囊妙計傾囊相授時，阿鵬坐在一旁無甚反應，表現不耐煩。》上述內容轉自蘋果報
看完對這些高學歷生評價的內容，只能為他們祈福，因為他們早已被碩士的光環牢牢套住，看到面前是一片坦途，人家建議忠告都不接受，綜緩都敢申請,為什麼不能從低學起,爭取經驗再議價呢!對於此等人材只有祝福再祝福，不再評論！