捐得幾多？

黃sir住在將軍澳, 附近地鉄站有两個出口, 經常每個出口都有幾檔募捐的朋友, 有D仲有制服穿, 十分專業, 有d 就出動老人, 傷健人仕, 如此一來, 黃sir要進入地鉄站, 先要狠起心腸, 目不斜視, 更視而不見, 又要聽而不聞才成！

因為日日捐, 時時捐, 周圍捐, 揾窿捐！大姐！黄sir 點頂得你順呀！黄sir馬會又要間接捐！六合彩周時又買唔中, 又間接捐！唉！乜得咁多苛捐？

側聞此類團體, 有委托了職業募捐商業機構, 用分帳形式運作, 四四六六拆掂佢！根夲有d 團體名稱聞之未聞, 見之未見, （根本人人行色匆匆, 有幾多個人睇真佢地係乜水就奇！）

記得黄sir細時都賣過旗仔, 仲最鐘意幫d 大姐姐插在胸前, 但果陣淨係星期六上半晝至有得賣, 乜得而家日日都有人攞個箱, 企正你前進之處, 作單擋式欄截？

有次黄sir特登走之字路線, 睇住果位廿多歲的姐姐, 敏捷地阻截！有此好身手, 去做職業運動員都得啦！駛鬼做募捐員咩！

相信當中有慹心的義ヱ, 又有正當的慈善團體, 但在咁多職業募捐高手中, 你叫黄sit 點捐呀？吓？