糾纏不清

黄SIR周時同人吹水, 俾D理念糾纏不清的人, 弄到啼笑皆非！

例如大家講緊政府派六千皮的快樂, 呢類人就獨排眾議, 同你討論香港的長遠利益, 又話要全民退休保障, 又話長者医療計畫, 又話要先復建居屋, 才准談到六千皮！否則就係短視！（大佬！你咁長視, 又唔俾政府供強積金！夠長未？）

大佬, 而家講緊天降橫財, 政府賺大錢, 同大家即時分享！咁嘅日子, 百年都唔逢一潤！下次幾時有, 真係要把酒問青天了！

長遠計畫, 同意外橫財, 是不同的處理方法！唔該醒一醒啦！

糾纏不清只會討論完又討論, 議而不決, 決而又不行！同D立法局木咀議員一樣低水平！理念糾纏不清！

如果想講到全世界都服晒至做, 咁就即係唔駛做！

你講緊一次之事, 佢就揾經常長期事泥煩你, 你講十八歲成年人, 佢就話你年齢歧視十八歲以下的朋友！你講三粒星永久居民, 佢就話你歧視新移民！你要資產審查新移民, 佢就話你搞分化！總之糾纏不清！越描越黑！

點解决７

亂者必斷！一於啋佢都儍可也！