咁即係…….
2011/03/26 16:45:45
網誌分類:
生活
有一類人, 你千祈唔好遇到佢, 因為佢自以為天資聰敏, 深懂世情, 甚至有未卜先知的能力, 可能你諗d 乜, 想講d セ, 佢可以完全歪曲晒, 仲迫你食死貓!亦分辯無從!此類人, 可能經常有個係你左右…….
例如, 你想打開話匣子, 講政府就泥派六千文……
咁即係……你親政府啦!
唔係親政府, 係親銀紙之馬…..
咁即係……見錢開眼啦, 正一卑鄙小人, 無原則….無骨氣…..無….
大佬, 講吓啫…..駛唔駛……
咁即係……駁嘴啦, 你真係五行欠打, 買棺材唔知啶!……..
嘩!駛唔駛………
咁即係………
有冇遇過呀?黄sir就黑仔囉!周時遇倒d 咁嘅人!
對唔住, 唔傾嘞!屋企養咗隻豬, 趕住返屋企同隻豬傾計!
哈哈!同豬傾計喎!正蠢材!
(唉!黃sir情願同隻豬傾計, 都好過同你傾啦!)
回應
(0)
我要發表