派錢的快樂

記得黄sir 細時（五六十年代）, 近農曆七月十四, 家家戶戶有燒街衣的習慣ｏ家家褶很多金銀衣紙, 放在街上, 一把火, 燒得火光洪洪！煞是熱鬧！

最頂癮之處, 是在街上有一班小童, 圍着火大叫: 撒呢！銀紙呢！撒呢！銀紙呢！撒呢！銀紙呢！

燒街衣的主家, 就撒出硬幣, 一文, 五角, 一角, 供大家湧錢！一時人人搶錢, 互相擠碰, 十分好玩！

黄sir先母菩薩心腸, 燒街衣不撒錢, 改為要小朋友們排好隊攞錢, 一時間引來一條小小長龍等派錢！有d 古惑d的小朋友,  就攞完再回龍尾再排！直至先母手上所有硬幣派完至告一段落！

這就是黃sir記憶中, 派錢的快樂！

這也印証了, 施比受更為有福的道理！

往日, 有人節日派吓錢, 盂籣節又派吓米, 街坊有時大家ヌ煲D 糖水大家食吓！充滿了温情！

香港是一個非常和睦的社會！

點似而家香港政府, 人人派六千！都派到大家興合合！居然搞到有人出泥反對新移民派果六千皮！

周日多處示威遊行！口號滿天飛！

鳴呼！哀哉！和睦的社會！一去不復返！