又如何？

今晚電視, 港台一個講心臟病的節目, 訪問了一個死過番生, 四條血管塞佐的貨車司機！佢自言往時好着意揾錢, 但發生事之後, 就每件事之後加句 ”又如何？”

黄sir登時學倒嘢, 原來每件事之後加句 ”又如何？ ”真係好鬼好用嫁！

例如, 你想搏命揾多五萬十萬, 但當你諗到揾多五萬十萬又如何？ 做人登時就會醒一醒, 慢下來, 諗一諗, 做セ咁搏先？

又例如 你同人爭拗, 但當你諗到爭拗嬴咗又如何？输咗又如何？做人係咪化咗d呢？度氣都下咗好多！

凡事退一步海濶天空ｏ

又如何？真係好鬼好用！

得 又如何？失 又如何？

成 又如何？敗 又如何？

做人當堂化晒！正！