煩事繞心頭

正所謂: 若無煩事繞心頭, 便是人間好季節！

但做人ヌ點會冇煩事呢？有時一早起身, 個電腦上唔倒網, 個網絡又姪吓姪吓！打電話投訴ヌ要按一, 按ニ…….煩到你死！

失驚無神, 厠所ヌ冇咸水！一陣冲冲吓涼, 洗濕個頭, 揸晒番梘果隻！冇埋水！吹到你漲！

一陣出街, 三部電梯停咗两部, 另外一部搬緊屋！由23樓行落街, 行到大堂, 三部電梯全線得番！

管理員大哥仲潤黄sir 一句, セ行樓梯運動牙！真健康咯！

做人真冇修, 周不時俾d 小事煩Q住！瞓醒就俗務繞身！

有D 人仲慘, 係俾百病繞身！又唔死得果隻！一陣又見佢頭痛！一陣又骨痛！一陣ヌ牙痛！周身唔係呢度痛就果度痛！煩到死！

有D 人就思想上麻Q煩, 樣樣嘢嫌三ヌ嫌四, 約佢去玩又扭呢樣, 扭果樣, 成日自已畫地為牢！又係煩人一個！冇話爽爽快快！咁點得好季節呀！

總之做凡人, 一定有D 嘢煩！冇嘢煩至奇！