煩事繞心頭 2

黃SIR談及煩事繞心頭, 大家可能以為黄SIR有乜良方, 可以消煩解憂ｏ

其實做人每日起身, 就會被形形式式的鎖事煩住, 一個唔該, 小到派錯報紙, 冇洗面水, 冇廁所水, 停電, 電梯壞咗, 諸如此類, 都會令人十二分𣎴便和煩惱, 真真是避無可避也ｏ唔夠運, 周時發生！

一唔係身體唔爭氣, 傷風咳潄, 喉痛聲沙, 肌肉無故酸痛, 大小便不暢通, 連想去玩都唔得, 仲唔夠煩ｏ

一唔係買咗D股票, 跌到亞媽都唔認得, 担心到寢食難安, 仲唔煩死ｏ

做人唯一可以唔煩, 就係當咗所有以上不如意事為正常事, 正所謂: 人生不如意事, 十常八九嘛, 又有乜咁煩呢？平常心是道, 明未？

例如被人放飛機, 一早就要預咗佢啦！賭錢賭股票會輸, 咪當長線投資囉ｏ 身體有小病, 小病是福嘛ｏ

總之要放開懷抱, 咪鬼咁執着, 以為世事樣樣可以盡如人意, 唉！边度有咁鬼好彩吖ｏ

如果你練到唔見咗錢, 可以講句破財當災！當乜事都冇發生過, 咁仲有乜嘢可以煩倒你呢？吓？

網上吹水, 你又認真, 成鬼日攬晒D衰嘢上身, 點得唔煩吖！