煩事繞心頭 3

寫咗幾篇煩事繞心頭, 令大家有個錯覺, 好似做人就係一定煩咁ｏ

等黃SIR再講得清楚D啦, 有D嘢你如果喜歡, 你就一定唔會覺得煩ｏ但有D嘢,根本上你一D與趣都冇, 你就一見親, 一接觸親, 你就會覺得煩了ｏ

正如粵曲粵劇大鑼大鼓, 鍾意D朋友, 唔知幾過癮, 又有氣氛, 又悅耳, 但果D唔鍾意嘅, 直頭煩到死, 要立刻打電話去差館投訴咁滯ｏ

可見煩同唔煩, 睇你自已心境罷了ｏ 有D見到要帶小朋友, 鍾意到燶, 但有D就嫌帶小朋友煩, 咪鬼搞, 走夾唔頭ｏ

所以是否煩惱自尋之事, 真見人見智也, 令人心情愉快, 煩煩都变唔煩ｏ你睇吓班粵曲票友, 又上堂, 又練習, 又約埋一大班人上深圳操曲ｏ返來又上網, 又吹水, 係咪擺泥煩呢？ 但只要一鍾意, 你就會享受其中每個過程之樂, 一D都唔煩ｏ

有時有D配偶, 投訴另一半好煩, 原因好間單, 日久生厭, 就煩死人嘞！如果係日久生情, 就一D煩都冇！

所以煩同唔煩, 簡單D講, 就係鍾意與唔鍾意吧了, 明未？