搵防曬

係綠色蓋白色樽既曼秀x敦既樂xx暗瘡護理系列既uv清爽防曬乳液呀! 勁難搵。(大家見到邊度有都通知我啦...關鍵字：遮蓋豆豆、肌色型、spf50pa++, 30g)

要搵佢, 因為暗瘡唔會惡化, 仲防止油光, 而且用既時候出少左油咁, 當然我少暗瘡過唔用既時候。

好似塗左層粉 (自然過塗粉好多, 感覺上又冇負擔), 因為佢「抑制油光、遮蓋暗瘡印、透現自然素肌」。

我唔想咁樣好似賣廣告咁, 但係可以防曬又可以遮瑕, 真係好實用, 好似bb cream咁。當然bb cream可能細膩d, 但暗瘡方面, bb cream係咪要好貴先做到?

初時發現我搵左好耐既呢隻防曬時, 支野5x蚊。

跟住試過嚮太子見到38、35蚊。

依家由深水x行到旺角先見到有間莎x既清貨場有, 我問個salesgirl, 佢都話呢隻要有貨先有得買, 而近來只有果個清貨場先有。我買左3支, 每支42.9蚊, 大概用到3季。

卓x同其他化妝品公司仲有萬x同屈xx都唔易搵到呢隻。想當年, 易搵好多。

又可能因為冬天時呢隻會乾乾地, 好難擠出黎, 所以少人買?

又可能因為香港女仔多數乾性皮膚、冇暗瘡, 但佢地有皺紋, 所以呢隻咁好用既野佢地用唔着 (因為佢地用既話會仲乾)? 所以咁少地方買得到?

如果佢唔再出呢隻, 睇怕第日要買bb cream。莎x有隻3x蚊既bb cream, 但我唔到最後關頭都唔想轉囉。

唔用都ok既時候就只有-- 好似依家咁, 返工唔使搭車, 有足夠運動, 某人都話我皮膚好左好多。而且嚮新界區空氣好, 唔使塗野上塊面度。