好運來無踪
2011/04/17 10:46:21
網誌分類:
生活
古人有云: 時來就風送騰王閣!
意思即係, 如果閣下有運, 連個天都會幫你, 亞支亞佐, 都會做就一D 機會俾你, 等你行個好運!
所謂運氣, 虛無飄渺, 根本上無法捉摸, 例如做藝人, 突然紅起來, 都唔知點解?有時一個唔該, 行運就行到腳指尾!紅透半邊天!
但點解咁?冇人會知!有D玄學家就乘機出泥揾食, 運都可以改!運亦有得招!又傻到有人信!黄SIR就啋佢都儍!
黄SIR 經過咁多日子, 就知做人只能等運到!例如黄SIR 身上經常袋住張三十期六合彩, 如果好彩, 財神爺行過, 見黄SIR言語清奇!行為高尚!孝行高義!高風亮節!整個一人獨得幾千萬六合彩俾黃SIR歎吓, 咁就邊度都駛去啦!
有時入馬塲, 九十九倍大冷馬都拖佢一注, 一個唔該, ヌ中上成千上萬!有排玩啦!
入賭塲, 襟吓吃角子老虎機, 襟得两襟, ヌ中積POT !
咁就真係好運自然來咯!
回應
(0)
我要發表