好運來無踪 2

香港人, 失驚無神, 因財爺做錯嘢, 官員騰晒鷄, 無啦啦每人袋袋平安六千皮！哈哈！你話係咪香港人無情情, 有運行！

有D 友唔知黐咗邊條根, 居然話派錢都唔啱！要長期照顧退休長者至啱！咁又唔拘噃！黄SIR多謝你, 因為如此一來, 黄SIR又有運行！但世事有冇咁完美先？

共享繁榮, 共同致富, 分田, 分地, 分產, 呢D好似叫做共產噃！

一國两制, 特區要特,香港就係唔想变共產！所以叫做特區！而家你班友, 諗埋D嘢就係搞共產！香港仲有冇運行先？

做人要行運, 一定要思路正確！敬天憫人, 善德善行, 高風亮節, 言語清奇, 孝行動天, 行為高尚（似黄SIR就掂！）如此一來, 就自自然然有運行啦！

成日想共人D 產, 肯定冇運行！

唏！