願者上釣的智慧

據說姜太公先生未遇文王之前, 在渭水用直鉤去釣魚ｏ有人問佢點解, 佢就話:願者上釣, 其實這就是佢, 最偉大的治人之術的理念ｏ

何謂願者上釣呢？就是冇人迫你做, 你自已自願去做, 死而無怨！

例如在港英年代, 政府從來冇叫人買樓, 但人人為樓奔馳, 一生人為了層樓營營役役, 樂此不疲, 此之所謂願者上釣也ｏ

又例如唐代開科取士, 從此讀書人為了功名, 自動自覺窮一生的精力去考取功名ｏ冇人去迫人讀書, 但人人努力讀書ｏ所以連唐太宗不禁自鳴得意, 說天下士人盡在其術中而不自覺！如果佢唔爆響口, 世人都唔知佢咁高橋也ｏ

現代發明銀行利率的大哥（好似是凱恩斯）一早攞咗諾貝爾獎啦ｏ點解咁偉大？就係利用銀行利率, 叫人儲蓄就儲蓄, 叫人駛錢就駛錢, 不用求人, 願者上釣！既然咁偉大, 梗係得獎啦ｏ

所以政治最高招是願者上釣！

幾千年前, 中國的姜太公先生已經知道啦, 可惜能讀書, 讀到黃sir咁通的, 真係少之又少ｏ

而家你知邊個勁啦ｏ 服未！