三國演義卷首詞

《臨江仙》明代、楊慎。

滾滾長江東逝水，浪花淘盡英雄。是非成敗轉頭空，青山依舊在，幾度夕陽紅。

白髮漁樵江渚上，觀看秋月春風。一壺濁酒喜相逢，古今多少事，都付笑談中。

三國演義就用呢首詞作引子, 道盡三國英雄！

近年大陸起碼拍了两套三國演義, 黄sir就睇過亞視以前播果套, 都睇得津津有味, 但總不及睇書咁過癮！因為羅貫中以說書人方式, 夾叙夾議, 能將人物性格, 躍然紙上！

曹操就夠奸, 劉備就夠古惑, 關公張飛就夠好打, 諸葛亮就能呼風喚雨, 製造木牛流風, 簡直天才中之天才！

黃sir 就最鍾意睇孔明出咗山之後的情節, 直情佩服到五體投地！曾經背誦佢個章舌戰群儒, 参加大學校際辯論比賽, 居然得獎！堅！

至於木牛流馬, 更影响咗黄sir 成為工程師, 從事設計的工作！

諸葛亮前後出師表, 更激發黄sir 愛上寫作！影响深遠！

仲有黄sir連通勝內的諸葛神數都學鬼埋！差小小就能同孔明一樣, 能知過去未來矣！

三國演義萬歲！