放馬過來一回合

睇三國演義, 两陣對圓, 將軍報上名號, 多數叫對方放馬過來,大戰三百回合！

相信一回合, 就係隻馬衝過去, 劈一嘢 或 刺一嘢, 又再返轉頭, 為之一回合也！因為利用速度衝殺, 快如閃電！一嘢都可殺敵！

關公斬顏良, 誅文醜, 同温酒斬華雄, 羅貫中就用了多次 ”關公馬快” 來形容戰况ｏ 因為曹操送咗匹赤免馬俾關公, 呢匹赤免係三國名馬, 直頭係馬王級, 國際一級賽都可以殺低晒外隊的超班馬！所以做就關公手起刀落, 利用速度致勝！

關公利用了馬快的特點, 人地諗住佢冇可能咁快衝倒過泥, 準備吹吓水先, 仲飲啖茶, 食個包先, 點知就被佢殺個措手不及！

古代戰爭, 坐騎好緊要, 係中東就騎駱駝打！封神榜中就有人騎麒驎, 係印度就騎隻大笨象！但總不及馬易控制同埋快！

一回合 就係靠隻畜牲來回衝殺一遭！明未？