不亦悅乎

論語第一句: 子曰: 學而時習之, 不亦悅乎？是吾友孔夫子大哥, 所言快樂之道ｏ 不亦悅乎, 即係話咁樣都唔覺得喜悅咩？喜悅即是快樂啦ｏ

學習, 學習, 學就是一個由唔識到識的過程, 習就是練習ｏ 反復操練, 練完又練, 從練習的過程得到樂趣ｏ

有D人學嘢好快, 一學就識, 但忘記得更快, 放下一會, 便忘得一乾二淨了ｏ有D就好聰明, 一講就明, 但一做就錯ｏ

連孔子都話, 生而知之者., 上也; 學而知之者., 次也; 困而知之者, 又其次也; 困而不學, 民斯為下矣ｏ

意思即係,. 唔駛學都識, 生出來己叻過人, 乜都知, 乜都曉, 呢D係上上之才 （連孔天子自巳都話唔得, 世界上根本冇D咁嘅人ｏ）多數都係要學先至識, 次一等了ｏ 有疑難, 有需要（困）, 才去學, 就又次一等了ｏ 但唔識, 都唔去學嘅, 呢D人就係下下之才了ｏ

孔夫子最鬼憎人唔學嘢, 原因好簡單 （大佬, 佢係萬世師表, 老師中的老師, 收成三千學生ｏ 威過晒而家D補習天王, 上課直程大塲面, 嗌晒咪果隻ｏ你地D友唔學嘢, 佢咪要食西北風？ 聽講而家香港D校長要D老師, 當D學生係客仔, 家長係契家！就係想收多D學生, 唔駛殺校而已！ 所以唔學嘢！一定係下下等人啦！）

但學咗都未夠噃, 要經常操練至得噃ｏ例如學唱歌, 周𣎴時要去深圳操吓曲ｏ 學跳舞, 亦要時不時, 去新光, 博藝跳吓至得噃ｏ 正所謂, 跳舞, 跳舞, 唔跳就冇！可見練習仲緊要過學添！你睇吓唱歌個唱字, 拆開咗, 就係日日口（即日日要開口至得！）可見練習幾死重要！

好在係練習的過程, 大家可以得到無限的喜悅（即快樂！）

所以聽孔夫子說話, 學而時習之, 係可以得到快樂了ｏ 明冇？