不亦樂乎？

論語第二句: 有朋自遠方來, 不亦樂乎？亦係教人點先至可以得到快樂嘅ｏ

人一定要結交多一D朋友, 同声同氣, 閒時可以吹水, 有事時, 又可以幫吓咀, 咁先至會快樂嫁ｏ

一個人冇朋友, 冇玩樂, 冇得吹水, 乜都冇, 成日流流長, 點過？

吾友李清照小姐, 就寫咗句, 獨自怎生得黑？ 即係一個人, 幾時等得到天黑呢？通常D電視節目要天黑才好睇,  所以李小姐要等到天黑ｏ 呀！果陣冇電視, 李小姐可能只係等天黑, 易D瞓得着而已！

生得黑, 有條友解做生咗個黑人出泥,  真好笑！有人又以為, 一個人走咗去海灘晒太陽, 所以生得黑！一樣唔啱！呢D叫做曲解！

李清照小姐又寫咗句 又怕一葉輕舟, 載不動許多離愁, 唉！真係多愁善感！

總之愁到千古之後, 你都覺得天下間佢最鬼愁果個就係佢！

李清照小姐, 一句: 怎一個愁字了得？令人覺得, 佢點解咁鬼愁呀？可能就係冇乜朋友！

如果佢有D朋友, 情况就唔同晒啦ｏ 上吓網, 貼吓圖, 吹吓水, 寫吓嘢, 時間只會晤夠用ｏ又點有時間去愁呢？（吓？果時冇得上網, 咁又係！）

何況D網友, 來自五湖四海, 有各式各樣的專長, 有D仲係外國 （仲唔夠遠乎？）有朋自遠方來, 所以很容易就得到了快樂嘞ｏ

聖人之所以係聖人, 就係佢一早就知, 咁嘅事, 係快樂之事！（哈？佢又點知而家可以上網呢？ 聖人係得嘅！）