人不知而不慍

子曰: 學而時習之, 不亦悅乎？有朋自遠方來, 𣎴亦樂乎？人不知而不慍, 不亦君子乎？

開首两句, 大家都聽過黄SIR解釋了ｏ今日講的一句, 仲緊要！緊要過學嘢, 緊要過有遠方朋友探你, 就係做人一定要EQ高嘞！

人不知而不慍, 慍的意思係怒容 , 面有慍色, 即面黑黑, 嬲爆爆之謂也ｏ人地無知, 人地蠢, 你都谷到爆炸, 咁點做人呀？

有D亞媽, 個仔唔做功課, 都嬲到跳鬼咗樓！你話死唔死？

有D老師, 教唔識D學生, 又走咗去跳海！你話死唔死？

所以孔夫子話明, 人地唔識, 千祈唔好嬲！真係抵佢做萬世師表也ｏ

君子在儒家思想, 即是大大好人, 利害過精人, 叻人, 千面人ｏ 所以做人一定要做君子, 千祈咪做小人ｏ 但如果EQ低, 就做硬小人了,因為人地唔知, 你就嬲到出面, EQ咁鬼低, 一定做硬小人啦！

孔子呢位大師, 叻的地方, 就係果陣都冇乜人會講EQ, 佢在學而篇第一句, 已經點題ｏ

做人一定要EQ高！人不知而不慍！做硬君子也ｏ

各位, 想做君子, 一定要EQ高！黄SIR老友, 孔子老師話嘅！明冇？