孔子論語

講開論語, 相信好多人只知孔夫子的儒家思想都記載在其中ｏ 但不知這本書根本不是孔子寫的, 當中成日 子曰, 子曰, 根本冇人咁樣寫嘢ｏ只有係引述人地嘅說話才會如此ｏ

正如佛經中之……亦作如是觀ｏ 就係用第三者的眼, 去看件事ｏ即係話, 我所見倒就係咁嘞, 至於是否真正係咁, 你問當事人啦ｏ夠晒客觀啦！

子曰 就係孔夫子就講咗D咁嘅嘢ｏ係佢D弟子記得幾多, 就寫低幾多, 是设有寫作的主題, 也沒有特定的時空, 有時孔子谷住度氣, 會講出: 唯女子與小人同難養也, 咁鬼性別歧視的說話ｏ

有時又會鬧人: 糞土之牆, 不可雕也ｏ條友（宰我）瞓晏教, 都俾佢鬧ｏ

有時又教人不要同D衰人守信用ｏ 有個學生被奸人威迫下簽咗欠單, 孔夫子話咁嘅情况簽, 係唔駛還嘅ｏ

點解黃SIR知佢咁多孔夫子D私事？

唉！我識佢好耐嫁, 我細細個學寫字, 個字帖就係上大人, 孔乙己, 化三千, 七十二ｏ

原來上大人就係講一個高高在上的大人（因為我果陣係細路, 但唔係小人, 在儒家中小人就係衰人！）

孔乙已就係指孔夫子自已一條友, 做到隻乙咁！

化三千就係教化咗三千個肯交學費嘅學生ｏ 七十二即係其中有七十二個學得比較好嘅, 攞咗一級榮譽學位咁解ｏ

相信好多人都寫過個字帖, 但好似一舊雲咁, 唔知點解ｏ 好似黃SIR咁好記性, 又咁有考究, 真係少之又少了ｏ 想學多D嘢, 多D泥 KC BLOG啦ｏ

子曰 : 學而時習之！不亦樂乎？知冇？