low achievers & successful learning experiences

2011/06/11 15:11:45 網誌分類: 教育

11 Jun

今日睇左d小一入學同小六升中既資料, 回想到當日靠自行支配學位同面試入左間所謂band 1(當時有5個band)英文中學, 覺得好諷刺... 果間學校我讀得最唔開心, 花咁多心機做咩呢? 直升中四只係表面上既開心, 中六轉去3個band裏面既band2學校先開始似返個人。

呢篇既標題用英文寫, 只不過做教院功課用慣左呢兩個英文詞語, 所以個標題都用英文, 咁先夠力量表達我今日想講既野。

low achievers, 嚮學術學習領域方面, 包括一d有特別學習需要既小朋友, 而所謂low係講佢地成績比人低, 所以成個字就係「低成就者」(學術方面)。

successful learning experiences可以幫助low acheivers提升學習動機, 甚至令佢地更主動學習。因為, 試過成功, 佢地會更有自信去迎接更多同更難既挑戰。

教院教我地要多讚賞小朋友, 俾多d成功機會佢地。但嚮呢個証書掛帥既社會, d小朋友既要讀到書, 又要課外活動叻, 先可以入到心儀既學校。唔通個個都係神童? 擺明係令low achievers更難去achieve, 令佢地有更多唔successful既experiences。

曾經想過, 大學畢業好似好威。中七後上唔到大學就去讀副學士, 讀top-up, 完成大學課程, 影左好多靚相... 當時覺得自己將會好有前途。依家呢? 讀埋教育文憑, 加上嚮d小學做打雜既大概4年經驗, 就因為一張基準試成績單, 再次感受到會考同高考失敗時果種失落。讀書連車費連埋食野, 未計做功課既物資等等, 由副學士開始用左大概36萬 (我住粉嶺, 但唔近火車站, 要再搭小巴, 所以車費係貴既)。唔係屋企有3位老人家上左天, 同埋工作時儲到既錢, 加上爸爸有時俾d零用錢支助, 我可以讀咁多書? 讀到又點... 選科, 我選語文, 但因為學位唔係香港既, 就算讀完教院都好難搵教席~ 基準試口語遇到d霸住野黎講既中年考生(佢地應該做老師做左好耐),interaction with peer果欄咪得2囉... 我講得2句野之嘛。所以呢, 待人處世先係你既小朋友要學既野: 待人處世唔得, 佢語文再好, 口試要討論時都唔識應付場面啦。

就算嚮教院d科有a又點丫, 實習英文科拎左distinction都冇人理... 見工時d人仍然會因為未有畢業証書而質疑你。畢業証書成日都要等架la... 等畢業証書時要待業, 等到都可能要繼續待業一排。如果冇頑強既鬥志, 好易覺得好灰架!

可能家長應該嚮小朋友細個時俾佢跌下, 然後鼓勵佢再接再厲。俾機會同埋引導佢學習令自己可以爬返起身既方法。同埋, 有d野可能唔可以強求, 盡左力, 就係對自己有交代架la。對自己有交代, 就足夠, 就唔需要因為得唔到一d野而覺得自己唔掂。

今朝去見暑期工, 想教興趣班。個職員問我教唔教小一面試班同小六升中面試班... 我突然覺得好「功利」。當時都唔記得自己曾經成功完成過一個升中面試, 而搵搵下資料, 我想起實習時中文果位指導老師同班小四小朋友講佢地始終要升上中學, 唔可以繼續咁hea。d小朋友當然覺得升中係好遙遠既事, 因為嚮果區裏面呢間小學唔係太叻, 佢地果班更係d成績差既班。又因為我細個時成績都唔係太好, 雖然小學時中英數都會9字頭, 其他科唔得, 成日全班考20幾名,升上中一時更考全級尾8。我可以完成大學, 因為突然發現對語文真係好有興趣, 而且讀得到... 我想將呢d由成績差變成可以大學畢業既經歷同特別既學習方法帶到課堂同課業設計, 等d同我一樣記憶同專注力冇咁好既小朋友有更多成功經歷。所以我想做老師囉...

做唔做到呢? 我26歲啦, 考多年基準就27。雖然有信心，但考到係咪一定搵到教席先？做教學助理既經驗始終唔同其他應徵者可能已係經驗教師既資歷... 睇黎, 我要培養更多信心, 而呢d信心唔止要面試時表現到, 要習慣時常表現, 就唔會臨場時怯左。

http://www.hkosc.com.hk/question_33665.html 呢度話小六升中之前要準備

「將Ｄ獎狀，成績表按時間順序排好入1個file
獎盃就擺埋一堆影相(再入係同一個file)
家長信就另外比佢
自我介紹係自已預備到時面試講既」

「預備Ｄ咩～
名,
歲,
長短處,
喜歡科目,
興趣,
favourvite,
平時鐘意做咩,
家庭狀況,
點解選呢間學校,
(個間)校訓係咩,
時事新聞感想
(最好全部都舉一至兩個example)......」

我當年(97)年只係拎左堆小學成績表, 同埋講左個自我介紹。依家d小朋友同家長真係慘, 要準備咁多野既?

依家d升中面試題目, http://www.ccshs.edu.hk/news/affairs/2010_03_16question_example.htm 舉左d例子:

「

你喜歡什麼科目?
你不喜歡什麼教科目? 為什麼?
自我介紹
喜歡看什麼書?
做話劇，以英文讀話劇的對白
看短片然後回答問題
為何會想到我校讀書? (中及英)
如果你有外國朋友來港，你會帶她到什麼地方?
你有沒有做運動? 喜歡做什麼運動? 為什麼?
你認為游泳最重要的是什麼?
讀一小段普通話的文章
讀一小段英文的文章
你是怎樣來我們學校的?
你將來希望做什麼工作?
介紹自己的家庭
探討人口老化的問題
三位數乘三位數、代數式
英語圖片造句
中文閱讀文章
陳志雲貪污案
你曾獲得那些運動獎項?
你從長洲到這裡需要時間嗎? / 你從長洲到達這裡要多久?
你每天都這麼早起身床，辛苦嗎? / 你要很早起床，不怕辛苦嗎?
數學題(沒有紙筆的情況下計算)
分享對一些時事和事件的感受
以英語介紹家人和朋友、自己的興趣

」

小一面試呢, http://www.uwants.com/viewthread.php?tid=4146716都有好多題目囉...

「面試「開場白」，了解考生聆聽能力、說話是否清晰。

1.你叫甚麼名字？
2.你的英文名字？
3.你幾多歲？
4.你讀哪所幼稚園？
5.你住在哪裏？
6.你家裏的電話號碼？

個人興趣/經歷題

了解考生的興趣、性格、課餘活動。

7.你最喜歡的玩具？為甚麼？
8.你最愛的故事書？可否講那個故事給我聽？
9.你最愛的卡通片？為甚麼？
10.你最愛吃甚麼食物？
11.你甚麼時候上課、下課？
12.你在幼稚園裏最喜歡上甚麼課？為甚麼？
13.你最喜歡甚麼顏色？
14.放學後，你愛做甚麼？
15.你喜歡這所學校嗎？為甚麼？

家庭背景題

了解家長對子女的支援、家庭狀況等。

16.你爸爸、媽媽做甚麼工作？
17.你有甚麼兄弟姊妹？
18.放假的時候，會和爸、媽到哪兒玩？
19.平日誰替你的手冊簽名？
20.誰教你做功課？
21.誰叫你起牀？
22.誰接你上課、下課？
23.你爸爸、媽媽叫甚麼名字？
24.還有甚麼親人跟你同住？
25.在家中你最喜歡誰，為甚麼？
26.爸爸、媽媽下班後會和你做甚麼？
27.你放學後，平日誰跟你在一起？

生活常識題

測試考生對身邊的事物的認識、家長的教導等。

28.你今日乘搭甚麼交通工具來？
29.過馬路時要注意甚麼？
30.有緊急事，可以打甚麼電話號碼？
31.給小朋友一個玩具鐘，問不同時間時，長短針的位置。
32.是否懂得利用電腦內的「小畫家」繪圖？
33.甚麼時候需要消防員的幫忙？
34.發生火警要怎樣做？
35.香港的機場在哪裏？
36.可否說出一、兩個地鐵站的名稱？
37.中秋節會吃甚麼？
38.講出有關聖誕節的東西。
39.一年有多少個月？
40.一星期有多少日？
41.每日有多少個小時？
42.甚麼車輛只有在香港區行駛？
43.試講出香港其中一條隧道的名稱？
44.超級市場和街市有何分別？
45.一年有多少季？分別是甚麼？
46.你知道哪一位議員的名字？
47.吃飯前要做甚麼？
48.在地鐵內，有甚麼是不許做的？
49.有甚麼動物是住在海裏的？
50.有甚麼動物是吃草的？」

咁bb姪女過幾年咪又要受呢d野既煎熬? 不過佢唔同我既。細個時爸爸唔俾我出街, 大個就自己因為唔識同人講野而成日唔出街, 變成乾物女... 以前讀完城大個副學士, 面試時講野好似好叻lu。依家又差返... 我越用心堆砌d專業字眼黎反映我既專業, 講野就越慢 (尤其d讀過既字詞我要譯返中文, 如果面試係中文既話)。淡定唔係有錢剩囉... 其實好多時我話電話d sales講野快, 做某份工時就係有d大學生話我講野慢。想講清楚d (我廣東話好多懶音), 有呢種反效果。應該練下讀報紙...讀快d。

前日覺得自己真係未準備好做教師... 不過慢慢黎啦, 有d野急唔黎, 但唔代表最後唔可以成功... 掛。信住自己先la! 唔信自己可以信邊個? (工作上)