智者樂水

仁者樂山, 智者樂水（留意個樂字ｏ唔係讀（落）音ｏ係讀 拗（上声）音ｏD古文,周不時有D字, 陰陰濕濕, 你一讀鬼錯佐, D人就會話你冇料到嫁啦！）點解咁？我讀書時個國文佬, 又冇教噃ｏ點敢問佢？佢會打人嫁？以前做老師真好, 可以用籐條打手掌, 打PAT PAT , 你睇吓而家, 我記得幾多八股嘢, 就知咁教冇錯嘅ｏ

而家D老師冇晒POWER, 有D仲唔夠D靚仔打, 被學生打完, 仲要話食得咸魚抵得渴ｏ暗啞抵！嘩！呢個乜嘢世界呀？唔怪得之, 咁多老師睇唔開ｏ跳樓嘅跳樓ｏ幽（屈）嘅幽（屈）（電腦出唔倒ｏ唔係寫錯ｏ）冇仔教落孫, 千祈咪鬼做老師！情願做乞E（押韻之馬！）

弊ｏ撐咗出大海添ｏ係, 講開吾友孔夫子的話ｏ智者樂水（因為曾經寫過個水字ｏ）為咗証明我有料ｏ拋完老子道德經ｏ就要拋孔子論語ｏ一來足証黄SIR博學多才, 二來指點下大家, 寫作之道, 順手拈來, 一個水字都有排吹, 吹完再吹,永遠唔會冇嘢寫, 知冇？

至於點解孔子講呢两句說話呢？（你自已睇論語就知啦！我鬼知咩？）條友剩係個仁字都解死人啦ｏ條國文佬又打人, 點知喎？所以到而家仁義道德四個字, 我都莫解嫁？（你去請教一百個人ｏ仁係乜？我担保九十九點九九都答你唔倒ｏ）嘅然都唔知仁者係乜（忍者就好多人知！仁者多數當咗係好人算數ｏ））咁仁者佢為何樂（拗）山ｏ就莫解啦！

至於智者樂（拗）水, 就EASY 好多嘞ｏ我己經講過, 水幾偉大啦ｏ智者就係聰明人ｏ咁聰明人梗係鍾意吹水啦！

你地見黄SIR咁鍾意吹水ｏ就知我係………;