水無常形

吾友孫子先生講過, 兵無常勢, 水無常形ｏ既然講過老子對水的看法, 也講過孔子對水的看法, 今日又睇吓孫子點睇？

水無常形, 好易理解ｏ 水的形態, 是具有固態（冰）, 氣態（水蒸氣）, 液態（水）三種ｏ三種形態都冇固定形狀, 變化多端, 令人難以捉摸ｏ所以在戰爭中, 戰畧的應用（兵即戰爭也）, 一定要令敵人難以捉摸, 虛虛實實, 兵不厭詐, 才可以取得勝利也ｏ

但世人多讀不通古書, 古人的智慧, 到了今天就失傳了ｏ君不見, 有D儍瓜走去釣魚台宣示主權, 呢班友, 完全唔知謀畧ｏ如果真係要攞番釣魚台, 一定要武力解决, 用武力, 即用兵啦ｏ 戰爭边有話明點點點…. 幾時登陸, 幾時插旗ｏ梗係要出其不意, 攻其無備至得也ｏ

吾友鄧小平先生在生時, 呃鬼D日本仔, 就話, 釣魚台要留番俾下一代, 更有智慧的中國人去解决！其實在古代, 有智慧的中國人, 已解決了此事ｏ 辨法就係, 揼佢！揼殘佢！咁就立即解决啦！駛乜嘥口水呢？

D人成鬼日示威, 在人地領事館鬥口, 碌鷄蛋（即叫人滾蛋！）咁都會得！我真係俾個頭你當櫈仔坐都肯也ｏ

剩係講水, 睇水, 吹水, 只可以解决國家大事ｏ 你地而家明, 點解黄SIR在家中,只能處理國家大事, 一切小事, 閒事, 日常之事, 全部由老妻, 話鬼晒事！趙是！嘻嘻！