不傳之秘 2

古代資訊不發達, 所以有很多不傳之秘, 一般只能傳子不傳女, 以免外傳也, 太極拳都係家傳而已ｏ所謂不傳即不輕易傳與他人也！

有些什麽什麽堂, 一條秘方就大收特收, 在葯業就經常見了ｏ

就算在外國, 一條可口可樂的秘方, 到最近還有人偷出來買錢ｏ（美國可樂厰, 有條友偷條方買俾百事可樂, 俾人拉咗！可見秘方有價ｏ）

世上有很多事物, 到了今日, 雖然科學非常發達, 都驗不出何以如此？（偉哥趙是！）所以依然好多驗方, 秘决ｏ

又例如現今人所共知之引起胃病的沙門氏螺旋菌, 以往未發現是引至胃病的主要原由時, D人医極都医唔好個胃病, 甚至有D要割了成個胃去, 你話慘唔慘！

而家俾两條澳洲佬發現咗, 又公開咗, 真係抵佢攞咗個諾貝爾獎也ｏ如果佢地唔出声, 成個世界就剩係佢地两個人識医, 係咪收到笑呀！

而家仲有好多神医識医D奇難雜証, 都唔知係唔係有D家傳秘方, 可以搞得掂也ｏ

以前黃sir做工程師時, 有個QC經理, 同黃sir好老友, 有單貨係佢先至出倒貨, 人人都唔得ｏ 到佢唔撈時, 佢才話俾黃sir知, 佢出倒貨的秘密, 是用火機燒吓個磁頭., 万試万靈！這個就是此事的不傳之秘了ｏ

通常為咗揾食, 教識徒弟冇師父, 不是至親, 都不教嘢, 粵劇界D老叔父, 只會笑人, 永不教人, 一個水波浪, 就想食成世, 所以D功夫就失傳了, 舞台上冇晒工架, 边度好睇？

不傳之秘, 想學？冇咁易也！