港台罷工?
2011/09/16 15:37:09
網誌分類:
時事
港台工會突擊新台長, 聲言台長如不走頭!就可能發動大罷工云云! 黃sir又想䏲吓呢個工會, 點搞罷工! 香港電台據稱有六百多員工, 而首日穿黑衣迎新台長有六十多人!即十份一激進兼胡塗人仕吧了! 如果發動罷工, 唔做嘢, 市民冇理由出粮俾呢班胡塗蟲!即時影響六百多個家庭生計!你工會孭唔孭得起先? 如果為咗正義, 犧牲咗都可以做英雄吖! 但如果只信錯胡塗工會!胡塗領導!咁犧牲就唔抵啦! 何況冇咗港台節目, 仲有商台!你吹咩? 港台胡塗工會, 你有冇能力叫全港傳媒, 陪你一齊胡塗呀?吓? 嚇鬼牙?你?
講多無謂﹐食多會滯﹔本人強力支持港台罷工﹐最好仲執埋佢﹐咁就係全香港人之福﹗﹗﹗
強力呼籲港台眾員工﹕假如你哋呢世人祇做一次好事﹐就恭請你哋係今次決定永久性罷工吧﹗唔該晒﹗
新台長叫鄧忍光,即係話能忍一時,不爭朝夕,個天就會慢慢光番晒... 但願如此。
第一日上班,就俾塊黑地氈人家踩,真係太過份。唔通工會可以自己決定請邊位做台長?有無邊個機構係咁架?