買樓
2011/10/08 06:30:41 網誌分類: 隨想
昨晚,看新聞,見訪問學生,問佢最擔心甚麼?最想甚麼?
其中一個答案是,想買樓,擔心樓價太貴。
現在的後生仔,真進取,讀緊書就已經話要買樓。
想當年,七八十年代時,個個唔出來儲十年廿年錢,都唔敢話買樓。
是現在的人有錢左,還是樓價平左?咁多人想買樓,還要未讀完書就話要買樓?最奇怪反而是,政府高官,都唔解釋俾佢地知,買樓,是要儲錢的,要努力工作,讀好書佢。
政府在樓宇政策上,應該將民住樓和炒賣樓分開。
炒,咪由得佢炒囉,帶動經濟嘛。
民住的,要有限制,要有管制,讓民生安穩。
後生仔,想買樓是好的。勤力些,努力些,唔好幻想太多。
特首成日話,市民想買樓,是想賺升值,但是,話真,就算公屋,都唔夠啦。特首,清醒下啦。根本就係政府鼓勵炒賣。
市場上,早有人提出,將民住房和炒賣房分開,點解唔好好去諗下呢?
反而,貼錢去起甚麼津貼房,算甚麼?
市民,要安居,樂業。社會才會安定啊!
民住的,只限本地人買賣,不可有超過一間的民住房,賣樓的話,利得稅要收重些【必要時,可加重利得稅,打擊炒賣,並事先聲明,一見有炒賣風,就會加重稅將所有利潤收庫房所有,等人民不會炒賣民住房。】,可利用強積金的錢來交首期,人家星加坡當年來港取經,回去後,攪得民生穩定,個個話好。
為何港府不好好去學?