中女誌

「小朋友, 請問你daddy、媽咪嚮唔嚮屋企?」

笑死我啦, 昨晚個電話廣告女仔應該仲細過我, 佢咁同我講野...
(如果接電話既係個冇爸媽既小朋友, 呢個廣告女仔就大件事LU...哈哈)

我把聲成日俾人誤會, 以為我得幾歲大。
唔知係咪日積月累既無耐令我依家有少少唔想「做大人」~
咁arm個樣又係細個, 着到十幾歲咁都冇人覺唔得。
於是, 想做大人時着大人衫; 唔想做大人時, 着返同自己個樣襯既衫就算lu。

有時細個有細個既好, 做錯事人地唔多怪你;
個樣細個, d衫唔靚既話, 都唔怕俾人笑, 因為「細個」d衫唔使靚 XD
但係着大人衫時我係自信好多, 把聲都穩重D。
到底係咪學業同職場上既事令我覺得挫敗, 而覺得...
「其他人咁既年紀已經好叻、事業有成!」
於是, 扮到唔似自己年紀, 唔係事業有成都好似唔緊要~
至少, D師奶永遠唔知我呀媽呀爸個女幾多歲,
永遠唔知我呀媽呀爸個女幾時30歲,
永遠唔知我呀媽呀爸個女咁大個人都好唔識世故...

鐘意做自己舒服既事- 好似, 唔理人地目光, 嚮港鐵睇書。
唔理人地目光, 冇I-PHONE用仍然因為識漢語拼音可以打短訊而自得其樂~
唔理人地目光, 病左就戴口罩。
唔理人地目光既唯一方法卻又真係- 戴口罩。

每個人對自己個樣都有唔鐘意既地方~
撇除呢個煩惱既話, 就可以自信?
口罩... 其實唔在於做呢件事, 雖然都可以一石二鳥咁做得到...
口罩, 只係為左唔俾男人望 XD (睇「SIT」嘛)
唔俾女人望 XD (難為情)
唔俾 O靚 妹 望 (D O靚 妹見到咩都會取笑既)
唔俾 O靚 仔 望 (大姐成30歲唔想俾你地D小朋友笑我呢樣笑我果樣)

返工, 黑白灰。
黑白灰, 加左紅色, 精神D~
加埋粉紅色, 可愛D, 開心D~~
加埋心型圖案, 好開心架!!!
仲有公仔呢...
中女變得越來越港女~
越來越貪靚~
就連D文具都要買埋同小朋友一樣架 =口="

我既性格仍然未安定。
一個正常既人性格應該18左右就安定架啦...
或者, 佢地出黎做野就安定架LA...
定係我想多左?
定係, 我就係咁既人, 所以有無限創意~
所以仍然覺得, 退休後可以做畫家架!!

長不大, 何止係故事裏面既小飛俠呢...
反正, 年齡只係一個紀錄,
只係身份証上面既數字,
而我個樣同把聲仲有內心都唔受佢限制。