一片冰心在玉壼

洛陽親友如相問, 一片冰心在玉壺ｏ

黄SIR的一班中學的同學, 數數中學畢業至今, 相隔已將近五十年前矣！ （黄SIR 64年中學畢業,  47年矣！）

同學們已垂垂老矣（起碼一個花甲子啦！）, 尚幸健康依然！黄SIR在此等塲合, 例牌十分寡言, 防不知不覺間, 得失朋友也ｏ

長時間未明別人情况, 胡亂發言, 好易出事者也ｏ

例如別人有些傷痛, 如投資失敗, 事業無成, 婚姻出事, 兒女不孝, 甚或身染頑疾ｏ 不幸閣下胡吹一通, 觸及別人痛處, 何苦來哉呢？

有人甚或埋怨舊同學不慹心, 誰知能熱心相會者, 要無遠慮, 又無近憂方可！

例如要 憂柴, 憂米, 憂配偶出事, 憂子女前途, 憂健康問題, 鬼有心情同閣下聚舊咩？

何况有時遇到, 有些與會之人口设遮欄, 得罪人唔駛本ｏ

你話俾佢聽, 寫BLOG, 佢就話你無聊, 都冇錢收嘅！

你話去做粵劇, 佢就話從來不睇粵劇！（唔出声, 冇人話你啞嫁？）

你話去唱粵曲, 仲大劑, 佢就話你把老人声, 仲得咩？

你話去去學跳舞仲大劑, 男人就一定係想溝女, 女人就一定紅杏出牆…….

唉！總之話不投機！

尚幸黃SIR舊友中, 冇乜此類人, 能相聚一刻, 亦是一個頗愉快的經驗也ｏ