5~6/1/2011 收市總結

5/1/2011 周四 恒指收報18813 升86點, 小心10號前見頂魔咒:

今日港股好古怪, 外圍股市麻麻地, 消息亦負面, 歐元又插過, 美匯急彈, 人民幣大幅回落, 但大鱷力撐幾隻重磅指數股, 咬住50天線附近唔放手, 搞乜? 大鱷咬住高位, 好似想破頂, 但係就未夠力水, 似有所待, 港股今日升勢不夠全面, 個別板塊有沽壓, 資金出現換馬現像, 油股受政策支撐就大受追捧, 大鱷就沽出其他股份掃入政策利好的股份, 好明顯唔想加入新資金, 以減低風險

向下支持只要恒指唔跌穿 18500 ~ 18700 仲未屎得, 收市插穿就弊傢伙, 如能上破 100天線阻力, 上望19300, 而家港股等緊方向出現, 今個月波幅未夠呀! 明日內地召開第四次全國金融工作會議, 任何新政策都會影響中港兩地股市, 阿爺個場真係激屎我, 弱過藥煲

今日權重股內銀.內險.地產轉弱, 壓住大市, 港股雖然收升, 但上升股份只得429隻, 下跌就多達641隻, 沽空亦急增至10.5%, 明天是小寒節氣, 小心10號前見頂魔咒, 港股一般會在10號前見頂, 而去年1月是在19號見頂, 相信是受基金年初重新部署影響

波羅的海乾散貨指數 (BDI) 剛插穿1500點, 去年12月12日收報1930, 愈跌愈有, 跌勢未止, 今晚續瀉

今日匯市.債市既消息面皆不利股市, 港股上升主要靠油股支撐, 但其他板塊走勢麻麻, 我擔心就算挾升亦難以持久, 如無利好消息支持, 夾硬推上50/100天線都企唔穩, 所以我就沽出權重股減下磅, 袋袋平安, 候低再補回

史哥分析: 明天一定要收18800 或之上，否則短頂已現

scansir 分析: 向上突破則會見19300-19400, 向下突破則會再試轉倉位18450

6/1/2011 周五 恒指收報18593 跌220點, 美匯強勢飆升, 港股現沽壓, 等阿爺打救:

~ 今早恒指10天線升破20天線, 出現黃金交叉, 相反理論應有一跌, 上次好準, 今次又中

~ 港股今日顯著回落, 完全回補本周1月3日紅盤的上升裂口 18724 - 18506

~ 恒指再度失守50天線, 20/10天線失而復得, 但國指一舉失守50/20/10天線, 收市仍比恒指弱

~ 今日港股跌幅全面, 匯控.中移.中資金融.和黃.煤炭.內房.地產.水泥.汽車.金屬.家電股受壓, 三大油企受上調暴利稅起徵點刺激逆市上升, 但油企今日收市表現遜 ADR, 沽空增加, 高位有沽壓:

                 今日高位    本港收市價     ADR
中海油          15.42          15.08           15.26
中石油          11.00          10.62           10.84
中石化            8.98            8.81            8.97

~ 港股臨收市成交急增近百億, 佔全日成交金額約四分之一, 期指臨收市急彈, 1月期指大幅高水56點, 新加坡的港股黑期一度升逾百點, 搞乜? 唔通有新政策出台?

~ 本周恒指升159點, 升幅不多, 勉強算係年初例升, 成交略為回升, 但表現乏善足陳

~~~~~~~~~~~~~~~~~~~~~~~~~

~ 傳內地將於2013年在局部區域開始徵收環保稅~~碳排放稅, 共13個省市將成為首批低碳試點地區, 受消息拖累, 水泥.煤炭.汽車.家電.航空.金屬.重型機械股.....急挫

~ 市場憧憬今日召開的全國金融工作會議會有利好政策出台, 再加上市傳匯金公司再入市增持工行股票, 內地股市先破底見2132點後高收, 真係一額汗, 成思危指 A 股快見底 (9/1 補充: 面對國內 A 股去年表現全球倒數第一，為了提振 A 股，國務院總理溫家寶日前在全國金融工作會議上罕見喊話，要深化新股發行制度改革，抓緊完善發行、退市和分紅制度，加強監管，促進市場健康發展，提振股市信心。這是中央領導人首次下達拉抬股市的「軍令」。專家認為，溫家寶已下令，各單位料將推出利多措施，有利提振 A 股後市信心，中港股市大幅飆升。)

~ 歐盟延遲至三月向希臘發放新一批貸款, 歐元兌美元再創16個月新低, 最低見1.2696美元, 美匯急升突破81, 人民幣匯價連跌三天, 但港匯強勢持續

~ 內地將於下周四公布去年12月CPI(居民消費價格指數)及PPI(工業品出廠價)

~ 人行在春節前暫停在公開市場發行央票, 釋出「放水」訊號, 人行下調存款準備金率的兩個熱門日子: 1) 內地公布經濟數據前  2) 春節前

~ 港島區樓價跌至去年初水平, 抹去全年升幅, 中原城市領先指數創25周最大跌幅, 全港二手樓交投慘淡, 不利權重地產股

~ 港股 2011年 平均每日成交額為 $697.32 億元,  按年僅上升 1%, 12月港股交投進一步萎縮,  日均成交額只得 $464.5 億元, 按月大幅縮減 23%

~~~~~~~~~~~~~~~~~~~~~~~~~

~ 10/1 美國財長訪華

~ 11/1 聯儲局發表褐皮書

~ 德國.法國.希臘.西班牙和意大利在下周拍賣國債

~ 標普或會於一月降低法國的主權評級

~ 歐盟峰會將於 30/1 召開, 議題是如何擴大歐洲救市基金EFSF

~ 市場憂慮歐債危機, 意大利10年期國債收益率重返 7% 以上, 升至 7.11% 危險水平

~ 周五歐央行的隔夜存款規模再創紀錄高位4550億歐元, 市場憂慮歐洲銀行或會倒閉, 為求避險, 寧願放棄通過銀行間市場貸款的0.369%的利率, 而選擇歐央行的0.25%,

~ 「恐慌指數」VIX 持續下滑, 連跌4天, 收 20.63, 恒指在 4/10/2011 大插插見16170, 當時的恐慌指數是在 45.45

~ 惠譽下調匈牙利評級1級至BB+, 評級展望為負面

~ 美國近期經濟數據持續改善, 未知是否季節性因素, 畢竟感恩節及聖誕節都是歐美的重要節日, 美國企業將會於1月9日起陸續公布業績, 業績好壞將會影響全球股市, 下周一美國鋁業將會拉開美國企業業績公布期的序幕