東涌狂衝單車之旅

若干年前既一個星期五，我認識左一塊燒餅。

佢最吸引人既地方，係……嚮一個長命斜度，竟然徒手拎起勁重既單車，上好多級樓梯，抬完自己部車再抬我部車。哈哈！

其實段路咁長，都抬過好多次單車。

今年既呢個星期四，嚮慶祝佢生日之前，我地又玩東涌單車遊。

由地鐵站附近出發，去圖書館附近既公園坐一陣，畫左幅花既速寫，又踏單車到小蠔灣車廠，發現當年釣魚之路已封左，但「扮美人魚石頭」仲嚮度。嚮馬路踏單車真係膽戰心驚，但兩部車一前一後咁行，d汽車應該一定見到我地，所以大車會讓我地路。

踏單車途中落大雨，去到欣澳個站可以休息下，避雨，同埋畫兩幅畫。有個好心既電單車人士送左件便利雨衣俾燒餅，燒餅自自然然送件野俾我，d雨變返雨粉時我地就踏單車返去。

最煩應該係遇到d蚊滋、狗、一條河兩邊既好矮既屋頂 (應該話天橋底)，同埋d剩返上面果段既樓梯(下面果段係泥路，天雨就路滑架la)~

今日手腳冇倦la! 想當年，同一段路，踏到倦死咁~ 依家我踏完，仲係好生猛~~返呢份工，體質真係好左。但成日眼睏囉- 早起身嘛。