簡單是美

世上事物, 很多人以為越復雜, 就越有價值, 誰不知簡單才是美ｏ

有D人追求的人生, 有所謂大起大落, 去幹大事, 立大功ｏ誰不知到頭來, 能簡簡單單生活, 平平安安, 已經是上天最大的恩賜ｏ

記得我教人電子設計時, 其中一大原則, 是要做到, 越簡單就越好, 例如可以用十個元件就做倒出來, 就千祈咪搞到十一件, 因為少一件就平D, 就少一件會壞, 製造時存貨也慳D, 做起來也容易D,也平D, 耐用D, 簡單就真的,  有很多好處ｏ

偏偏有D人就亞茂整餅, 設計到冇果樣整個樣, 做到複雜到死, 又易壞, 又難用ｏ你睇初期的電腦就係嘞, 唔係專家都唔識用, 點似而家D PLUG AND PLAY 咁正呀ｏ （一插即用, 不用SET UP, 就係呢個慨念了ｏ）

所以做人也一樣, 根本唔駛奸奸狡狡, 古古惑惑, 越簡單就越快樂, 越唔計較就越多朋友, 咁做人也快樂D, 生活也易過Dｏ

成日諗埋鬼咁多嘢, 又呢又路, 又薑又醋, 船頭就有鬼, 船尾就有賊, 船中間又怕沉, 複雜到寸步難行, 咁就無用啦！

可歎世界上有D人, 連簡單是美, 也不相信, 有咁複雜就搞到咁複雜, 一個老婆都唔夠, 搞多幾個, 結果就連一個都走埋, 你話蠢唔蠢？