最壞考慮（WORSE CASE）

在工桯設計上ｏ我們做設計一件產品時，ｏ一定要考慮最壞情况（WORSE CASE CONSIDERATION）如果樣樣最壞情况出現ｏ產品依然能正常運作ｏ這才算是一個好的設計ｏ

例如買到最差的料ｏ遇到最差的工人ｏ賣到天氣最差的地方ｏ（温度可能是零下十度至攝氏一百度ｏ）跌埋落水ｏ又在二三樓跌落泥(ｄ ｒｏｐ TEST)ｏ總之一切最黑仔的情况出現ｏ就是WORSE CASE CONSIDERATION了ｏ（最壞情况考慮）ｏ

其實人生的遭遇ｏ我們也可以應用這種想法ｏ例如閣下考慮轉工ｏ最壞的情况是ｏ是遇到一位苛刻的上司ｏ一班衰格的同事ｏ一D無法完成的工作ｏ但最壞不外乎再轉工之馬ｏ又再壞不外乎揾唔番份好嘅之馬ｏ再最壞不過是揾唔倒工作,失業之馬ｏ都唔駛死ｏ咁又有乜可怕呢？

有時人考慮做事ｏ船頭驚鬼ｏ船尾驚賊ｏ船中間又怕沉ｏ不知如何是好ｏ如果你明白了最壞情况考慮的方法ｏ什麼顧慮都會迎刃而解了ｏ

例如女人考慮嫁老公ｏ最壞咪嫁錯個衰公ｏ生埋D弱智仔ｏ經濟生活困難ｏ精神冇寄托ｏ諸如此類ｏ但最壞的情况, 尚可以離婚ｏ又可以唔生仔（而家產前可測出小朋友有冇先天性疾病ｏ）總之最差都尚有精神生活ｏ有愛你的家人ｏ有你喜愛的嗜好ｏ仲唔駛死添ｏ想到咁ｏ又駛乜怕呢？

有D人唱粵曲ｏ考慮出SHOWｏ驚呢樣ｏ又驚個樣ｏ其實最壞的情况就係企上去唱唔倒ｏ我見過有人嚇到病鬼咗ｏ企上去驚到出唔倒声（梅雪詩上次失声都係一樣演啦）ｏ結果咪由第二個代佢唱之馬ｏ駛死咩？

總之一句講晒ｏ凡事ｏ最壞情况考慮WORSE CASE CONSIDERATIONｏ諗過ｏ大不了, 都不外如是ｏ咁你决定點樣生活就容易好多了ｏ