賭馬心得（一）

今晚與家人食飯, 二兄自言賭馬未嘗一勝, 次次皆負ｏ我一時口快快, 指住腦袋話！呢度有事ｏ希望佢明白我的意思, 並不是話佢蠢ｏ而是指香港賽馬是一個遊戲, 千萬不可以認真ｏ如果次次都輸, 是閣下之策畧上出了問題, 如果不能搞通思想不玩也罷！

首先要留意, 此遊戲是一定有勝出組合的ｏ例如買WIN, 出馬十四隻ｏ全部買晒就中硬ｏ（只不過有百份之七八十機會都是開十四倍以下的ｏ是輸多嬴少的蠢辦法！）

要嬴錢就只能去揀D真正嬴出的馬ｏ但有機會的馬（通常有三至五匹在十倍以下）買晒一樣輸, 中咗都輸ｏ只能買一匹, 所以叫做獨頭WINｏ必勝的賠率就很乏味, 中咗都冇肉食ｏ三至五倍有肉食, 但一定有幾隻俾你揀ｏ有時仲全部都唔係, 所以獨頭WIN, 我好少賭ｏ（唔買又點輸呢？）

至於賭連嬴或位置連嬴, 如果你將十四匹馬塲次, 臨塲一看電算機就可以分為冷熱两大類ｏ（這就是我要入馬塲的原因了, 因為全部賭仔的刨馬心得都反影在彩池之上, 根本上都唔駛刨馬經, 己得知边幾隻馬有機會了ｏ）

通常在十倍以下的, 我就認為是大家都睇好的, 通常有三至六匹左右（如果只得一至二匹, 賭唔過, 太集中也！）

而在十倍以上的馬, 就有八匹至十一匹了（十四減去慹鬥的）ｏ

只要冷果堆, 其中一匹跑入三甲, 已經足夠令很多人雞毛鴨血了ｏ（跑第一就殺晒D熱WINｏ跑第二就殺晒D連嬴ｏ跑第三就殺晒D位置連嬴！）

在三甲中, 有時一匹, 有時二匹, 有時三匹都冷ｏ你就是要揀边幾匹可以令人鷄毛鴨血的（即是看看佢地呢班友點鬼樣呃人！）, 我曾經將歷年賽馬結果, 做過了科學的统計, 有百分之七八十塲次都係咁嘅, 唔會錯嘅, 唔信你自已做吓！）

三匹熱鬥都入三甲ｏ唔係冇ｏ係少ｏ𣎴中也罷！（所以有時全日開熱鬥ｏ我就失敗！）

至於點至可以揀得中呢幾匹呃人的馬呢, 有人想學, 就一定講ｏ不過如果冇人信,不如慳番啖氣暖肚！睇吓有冇回應先ｏ（教人賭錢？真是不是至愛親人, 良朋好友, 黄SIR FANS 都咪鬼制也！）吃力不討好也！又易被人誤會ｏ又易被人抹黑！諗諗吓.......